Хятадын эрдэмтэд далайн усанд ургадаг будаа гарган авснаар олон сая хүнийг тэжээх боломжтой болжээ

2017-10-26 Нийгэм 0

 

Хятадын эрдэмтэд далайн давстай усанд тариалах боломжтой цагаан будааны хэд хэдэн төрөл гаргаж авч чадсан нь 200 сая хүний хэрэгцээг хангахуйц хүнсний эх үүсвэр болохоор байна.

Тэд олон арван жилийн турш ийм туршилт, судалгаа хийсний эцэст одоо л газар тариаланд нэвтрүүлж болох үр дүнд хүрч байгаа гэнэ.

Хятадын зүүн эргийн Шандон мужийн Циньдао хотын ойролцоо талбайд 200 төрөл сортын будааг тариалж, аль нь илүү ургац өгөхийг туршсан байна.

Уг талбайг услахдаа далайгаас хоолой татаж, хүргэсэн усаа тодорхой түвшинд хүртэл шингэлж ашигласан гэнэ. Эрдэмтэд нэг га тутмаас 4.5 тонн будаа авна гэж тооцоолж байсан бол нэг сортын будаа нь 9.3 тонн ургац өгсөн байна.

Хятад даяар нэг сая километр хавтгай дөрвөлжин талбайтай газрын хөрс хэт давсархаг учраас газар тариаланд ашиглахад тохиромжгүйд тооцогддог ажээ.

Тэгвэл шинээр гаргаж авсан цагаан будааны сорт нь энэхүү үлэмж хэмжээний газрыг тариан талбай болгож хувиргах боломж олгож байгаа юм.

Уг талбайн 10 хувийг ашиглахад л жилд 50 сая тонн будаа өгч, Хятадын нийт будааны тариалалтыг 20 хувиар өсгөн, 200 сая хүний хэрэгцээг хангах гэнэ.

Шинэ сортын будаа гаргаж авах ажлыг Хятадын 87 настай эрдэмтэн Юань Лонпинь ахалжээ. Тэр сүүлийн 40 орчим жилийн турш энэ чиглэлд ажиллаж байгаа хүн гэнэ. Бүр 1970-аад оноос эхлэн Хятадын засгийн газар давстай усанд ургах боломжтой будаа гаргаж авахыг эрдэмтэддээ даалгаж байжээ.

Шинэ сортын будаа нь энгийн цагаан будаанаас илүү кальциар баялаг тул хүний эрүүл мэндэд сайн гэж судлаачид үзэж байгаа гэнэ.

Эх сурвалж: Independent

Холбоотой мэдээ

Нэгдүгээр сарын 18-наас ихэнх нутгаар хүйтний эрч суларна

2021 оны нэгдүгээр сарын 18-22 хүртэлх цаг агаарын урьдчилсан төлвийг Цаг уур, орчны шинжилгээний га

2021-01-17

“ТАВАН тохиолдол шинээр бүртгэгдэж, дотоодын халдварын тоо 1016 боллоо” /01.17/

Коронавирусийн нөхцөл байдлын талаар ЭМЯ, ХӨСҮТ-өөс танилцууллаа. ХӨСҮТ-ийн томуугийн нэгжийн

2021-01-17

Маргаашнаас цанын бааз, ТҮЦ, цахилгаан бараа болон тавилгын дэлгүүрүүдийг нээх шийдвэр гарлаа

Улсын Онцгой комисс, Нийслэлийн Онцгой комиссын өргөтгөсөн хуралдааны үеэр үйл ажиллагааг нь хязгаар

2021-01-17

Санал асуулга

Хөл хориог цаашид яасан нь дээр вэ?

Үр дүн

Loading ... Loading ...