Нью Йоркийн халдлагыг үйлдсэн этгээдэд ЦААЗЫН ЯЛ оноохыг Трамп шаардлаа

2017-11-02 Нийгэм 0

Мягмар гарагт Нью Йорк хотод гарсан террорист халдлагыг үйлдсэн этгээд цагдаа нарт буудуулж шархдсаныхаа дараа эмнэлэгт хэвтсэн юм.

Тэр ачааны машинаар дугуйн зам руу дайран орж, 8 хүний амийг хөнөөж, 12 хүнийг бэртээсэн. Узбек үндэстэн Сайфулло Сайпов хийсэн хэрэгтээ огт гэмшихгүй байгаа бөгөөд Исламын улс бүлэглэлийн сурталчилгааны дүрс бичлэгийг үзээд халдлага үйлдэх санаа төрсөн, хийсэн зүйлдээ сэтгэл хангалуун байгаагаа мөрдөгчдөд ярьжээ.

Тэр бас Исламын улсын далбааг авчрахыг шаардаж, эмнэлгийн өрөөнийхөө хананд түүнийг өлгөх хүсэлтэй гэсэн байна.

Террористын гаргаж байгаа энэ ааш авир АНУ-ын ерөнхийлөгч Дональд Трампын уур хилэнг бадраажээ.

Тэр саяхан твиттер хуудсандаа “Нью Йоркийн хотын террорист эмнэлгийн өрөөндөө Исламын улсын тугийг өлгөх тухай яриад их л жаргалтай байгаа бололтой. Тэр 8 хүнийг алж, 12 хүнийг гэмтээсэн хүн. ЦААЗЫН ЯЛ ОНООХ ХЭРЭГТЭЙ!” гэж бичсэн байна.

Тэр бас энэ халдлагын дараа цагаачлалын бодлогоо чангалах тухай ярьж эхлээд байгаа юм. Үүний хүрээнд 1990 оноос эхлэн хэрэгжиж эхэлсэн Ногоон картын сугалааг зогсоохыг Трамп уриалаад байна.

Эх сурвалж: Russia Today

Холбоотой мэдээ

Зочид буудлуудын үйл ажиллагааг өнөөдрөөс нээжээ

Нийслэлийн Засаг даргын А/25 тоот захирамжийн дагуу өнөөдрөөс эхлэн үсчин, гоо сайхан, хумс заслын ү

2021-01-23

Төрийн шагналт, “Баян Монгол” чуулгын удирдаач Б.Ганбат таалал төгслөө

Төрийн шагналт, Урлагийн гавьяат зүтгэлтэн, "Баян Монгол" чуулгын удирдаач Б.Ганбат 2021 оны нэгдүгэ

2021-01-23

Онгоцонд төрсөн ихэр охид зургаан сартай болжээ

2020 оны долоодугаар сарын 9-ний өдөр Истанбул-Улаанбаатарын чиглэлийн тусгай үүргийн онгоцонд ихэр

2021-01-23

Санал асуулга

Хөл хориог цаашид яасан нь дээр вэ?

Үр дүн

Loading ... Loading ...