Хүүхдийн мөнгөөр томчууд улс төр хийдэг

2017-08-23 Нийгэм 0

Хүүхэд бүрт хүүхдийн мөнгө олгох санааг анх АН-ынхан гаргаж, улмаар УИХ-ын сонгуульд хамгийн олон суудал авч байлаа. МАН ч 2016 оны УИХ-ын сонгуулийн мөрийн хөтөлбөртөө хүүхэд бүрт хүүхдийн мөнгө олгохоор мөрийн хөтөлбөртөө тусгасан юм. Гэвч засаг автал бодит байдал дээр санхүүжилтгүй болсон, мөн ОУВС-гийн шаардлага дор Ж.Эрдэнэбатын Засгийн газар хүүхдийн мөнгийг зорилтот бүлэгтээ буюу нийт хүүхдийн 40 хувьд олгож байв.

Харин 2017 оны Ерөнхийлөгчийн сонгуулийн эхний шатны санал хураалтаар МАН-ын нэр дэвшигч хоёроор гарч ирснийг Хүүхдийн мөнгийг хэсэгчлэн олгож эхэлснээс боллоо гэж тус намынхан дүгнэсэн байдаг юм. Тийм учраас УИХ-ын гишүүн Л.Оюун-Эрдэнэ, МАН-ын ерөнхий нарийн бичгийн дарга Л.Амарбаясгалан нар Засгийн газрыг хүүхдийн мөнгөө хүүхэд бүрт олгож эхлэхийг шахаж байжээ. Энэ цаг үед эдийн засаг өсч, төсвийн орлого сүүлийн 4 жилд анх удаа 530 гаруй тэрбум төгрөгөөр давсан байсан юм. Иймд намын ерөнхий нарийн бичгийн дарга, Ерөнхийлөгчийн сонгуулийн ерөнхий менежер болон сошиалын баг хариуцсан штабын дарга нар болох дээрх хоёр эрхмийн шаардснаар Засгийн газар хүүхдийн мөнгийг хүүхэд бүрт олгох шийдвэр гаргасан юм.

Тухайн үед МАН-ын бүлгийнхэн Засгийн газрын дээрх шийдвэрт талархаж, Ерөнхийлөгчийн сонгуульд ялчихлаа хэмээж байжээ. Гэтэл өнөөдөр Засгийн газрыг огцруулах үндэслэлд “хүүхдийн мөнгийг бүх хүүхдэд олгож төсвийн хууль зөрчсөн” гэжээ. Өөрөөр хэлбэл, гишүүн Л.Оюун-Эрдэнэ нар хүүхдийн мөнгөөр дахиад улс төр хийж эхэлжээ. Ерөнхийлөгчийн сонгуульд ялагдахаараа хүүхдийн мөнгийг бүх хүүхдэд өгсөнгүйгээс боллоо гэнэ. Засгийн газрыг огцруулахаар санаархах болохоороо хүүхдийн мөнгийг бүх хүүхдэд олголоо гэж буруутгана.

Монголын улстөрчид хүүхдийн мөнгө нэрийн дор хүүхдээр ингэж улстөр хийдэг болжээ.

Холбоотой мэдээ

Өнгөрсөн хоногт 815 шинэ тохиолдол бүртгэгдэж долоон хүн нас барлаа

Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг танилцуу

2021-05-08

Тавдугаар сарын 9-нд монгол цэргүүд Улаан-Үдэд парад алхана

Аугаа их Эх орны дайны ялалтын 76 жилийн ой тохиох гэж байна. Түүхт ойг тохиолдуулан Монгол

2021-05-08

Гадаадад амьдардаг иргэд Ерөнхийлөгчийн сонгуульд оролцох эсэхээ шийдэхэд хоёр хоногийн хугацаа үлдлээ

Монгол Улсын Ерөнхийлөгчийн 2021 оны ээлжит сонгуулийн санал авах өдөр зургаадугаар сарын 9-нд товло

2021-05-07

Санал асуулга

Хатуу хөл хорио тогтоох хэрэгтэй юу?

Үр дүн

Loading ... Loading ...
Одоо суръя - Онлайн сургалт Цонжин Кибер Боардинг Сургууль