Төвдийн нийслэл хурдны төмөр замд холбогдлоо

2021-07-21 Дэлхийд 0

Төвдийн нийслэл Лхас хотыг өндөр хурдны төмөр замд холбосон тухай Хятадын төрийн Шинхуа агентлаг саяхан мэдээлжээ.

Уг төмөр замаар Лхасыг 423 км зайтай оршдог Төвдийн автономит мужийн Ниньчи хоттой холбосон байна.

Төмөр замыг зургаан жилийн хугацаанд 36.6 тэрбум юаний ($5.6 тэрбум) хөрөнгө оруулалтаар бүтээн босгожээ.

Уг замаар зорчих “Fuxing” цахилгаан галт тэрэг нь цагт 160 км хурдлах чадвартай. Энэ нь 300 км/цаг хурдалдаг Хятадын бусад галт тэрэгнүүдтэй харьцуулахад удаанд тооцогдож байна.

Гэхдээ төмөр замын 90 хувь нь далайн түвшнээс 3,000-аас дээш метрийн өндөрт, цаг уурын эрс тэс нөхцөлд байдаг нь хүндэтгэх шалтгаан юм. “Fuxing” галт тэрэг энэ нөхцөлд зохицож, цахилгаан болон дотоод шаталтын хос хөдөлгүүрээр ээлжлэн ажилладаг гэнэ.

Ниньчи-Лхасын хооронд өмнө нь автомашинаар таван цаг зорчдог байсан бол одоо 3.5 цаг зарцуулдаг болжээ. Зорчигч тээвэрлэхээс гадна жил бүр 10 сая тонн ачаа бараа тээвэрлэх чадвартай.

Зорчигчид замдаа Төвдийн байгалийн үзэсгэлэнг галт тэрэгний цонхоор тольдох боломжтой. Тухайлбал шинэ төмөр зам нь Ярлун Занбо (Брахмапутра) мөрнийг 16 удаа гаталдаг байна. Мөн 47 хонгил, 121 гүүрээр дамжин зорчдог ажээ.

Шинэ замыг Шинхуа агентлаг “дэлхийн дээвэр дээрх төмөр зам” гэж нэрлэсэн байна.

Хятад улсад дэлхийн хамгийн том өндөр хурдны төмөр замын сүлжээ (9,356 км) байдаг бөгөөд Бээжин-Гуаньжоугийн шугам нь дэлхийн хамгийн урт (2,298 км) өндөр хурдны төмөр зам юм.

Эх сурвалж: Business Insider

Холбоотой мэдээ

Женнифер Лопез хайртай залуутайгаа аз жаргалтайгаар амарч явна

Женнифер Лопез долдугаар сарын 24-ний өдөр найз залуу Бен Аффлекийн хамт Францын Тропец хотноо төрсө

2021-07-30

БНСУ Коронавирусын дельта хувилбартай эрчимтэй тэмцэж байна

Манай улсад хоёр дахь удаагаа хүрэлцэн ирсэн Кунгмин Ли профессор тэргүүтэй БНСУ-ын “К2LBIO” ком

2021-07-29

АНУ-ын лифтны хананд хас тэмдэг сийлсэн хэрэг гарчээ

АНУ-ын гадаад бодлогыг хэрэгжүүлэгч төрийн департментын төв байрны лифтний хананд хас тэмдэг сий

2021-07-28

Санал асуулга

Есдүгээр сарын 15-наас хөл хорио цуцлах нь зөв үү, буруу юу?

Үр дүн

Loading ... Loading ...