Флойд ТЭРБУМТАН тамирчдын клубт нэгджээ

2017-08-29 Нийгэм 0

Ням гарагт Конор Макгрегорыг ялж, $300 саяар халаасаа зузаатгасан мэргэжлийн боксын аварга Флойд Мэйведэрийг тэрбумтан тамирчдын клубт нэгдсэн болохыг Форбс сэтгүүл мэдээлжээ.

Лас Вегаст болсон дуулиант тулаанд тэр 10 дугаар үед холимог тулааны одыг буулган авч, өөрийн ялалт/ялагдлын харьцааг 50:0 болгоод зодог тайлж байгаагаа зарласан юм.

Мэйведэр бүх спортын замналынхаа турш $700 саяыг цуглуулаад байсан гэж Форбс тооцоолжээ. Ингэснээр тэр сүүлийн тулааны дараа хөрөнгийн хэмжээгээ нэг тэрбумд хүргэж, сагсан бөмбөгийн од Майкл Жордан, гольфийн тамирчин Тайгер Вүүдс нарын араас тэрбумтан тамирчдын клубт нэгдэж байгаа гэнэ.

Зөвхөн боксын төрлийнхөө хувьд тэр хамгийн баян тамирчин болж, 49:0 ялалт/ялагдлын харьцаатай байсан хүнд жингийн аварга Роки Марчианогийн амжилтыг эвджээ.

Мэйведэр бас өнгөрсөн тулаанд өөртөө тавьсан $750,000-ын бооцооноосоо ихээхэн мөнгө олсон тухай эх сурвалжууд мэдээлсэн байна.

Майкл Жордан NBA-д тоглож байхдаа $93 саяыг олж, дараа нь Nike-тай хамтарсан спорт бараа, Charlotte Hornets багийн эзэмшил зэргээсээ тэрбумын хөрөнгөтэй болсноор 2015 онд тэрбумтан тамирчин болж байжээ.

Гольфын дэлхийн номер нэг тоглогч байсан Тайгер Вүүдс 2009 онд тэрбумтнуудын жагсаалтад орж байсан ч сүүлийн жилүүдэд түүний бизнес уналтад орж, хөрөнгө нь багасаад байгаа юм.

Эх сурвалж: Russia Today

Холбоотой мэдээ

Өнгөрсөн хоногт 815 шинэ тохиолдол бүртгэгдэж долоон хүн нас барлаа

Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг танилцуу

2021-05-08

Тавдугаар сарын 9-нд монгол цэргүүд Улаан-Үдэд парад алхана

Аугаа их Эх орны дайны ялалтын 76 жилийн ой тохиох гэж байна. Түүхт ойг тохиолдуулан Монгол

2021-05-08

Гадаадад амьдардаг иргэд Ерөнхийлөгчийн сонгуульд оролцох эсэхээ шийдэхэд хоёр хоногийн хугацаа үлдлээ

Монгол Улсын Ерөнхийлөгчийн 2021 оны ээлжит сонгуулийн санал авах өдөр зургаадугаар сарын 9-нд товло

2021-05-07

Санал асуулга

Хатуу хөл хорио тогтоох хэрэгтэй юу?

Үр дүн

Loading ... Loading ...
Одоо суръя - Онлайн сургалт Цонжин Кибер Боардинг Сургууль