Өмнөд Солонгос шумбагч хөлгөөс баллистик пуужинг амжилттай харваж туршсан дэлхийн найм дахь улс болжээ

2021-09-08 Дэлхийд 0

Өмнөд Солонгос улс өөрийн зохион бүтээсэн шумбагч хөлгөөс харвадаг баллистик пуужинг амжилттай туршсанаар ийм зэвсэгтэй дэлхийн найм дахь улс болсон тухай албаны эх сурвалж өчигдөр мэдээлжээ.

Өнгөрсөн долоо хоногт тус улсын зэвсэгт хүчний Досан Ан Чан Хо шумбагч хөлгөөс баллистик пуужинг харвах туршилт амжилттай болсон байна.

Хэд хэдэн нэмэлт туршилт гүйцэтгэсний дараа зэвсгийг бөөнөөр үйлдвэрлэж эхлэх гэнэ. Өмнөд Солонгосын өмнө нь зохион бүтээсэн Hyunmoo-2B баллистик пуужингийн шинэ хувилбар болох Hyunmoo 4-4 нь 500 км-ын тусгалтай, уламжлалт цөмийн цэнэгт хошуу тээвэрлэх чадвартайг эх сурвалж баталсан байна.

Одоогоор ийм зэвсэгтэй дэлхийн долоон улс байгаа нь АНУ, ОХУ, Их Британи, Франц, Энэтхэг, Хятад, Умард Солонгос юм.

Хуурай газраас харвадаг уламжлалт баллистик пуужингаас ялгаатай нь ийм зэвсгээр далайн хаанаас ч гэнэтийн цохилт өгөх боломжтой байдаг.

Одоогоор шинэ зэвсгийн талаар Өмнөд Солонгосын батлан хамгаалах яам албан ёсны мэдэгдэл хийгээгүй байна. Энэ талаар тодруулахад “Манай зэвсэгт хүчин Солонгосын хойгт энх тайван байдал тогтоох зорилгоор өндөр хүчин чадалтай зэвсэг техникийг тасралтгүй хөгжүүлсээр байгаа” гэсэн ерөнхий хариултыг тус яам өгчээ.

Эх сурвалж: Yonhap News

Холбоотой мэдээ

Спутник V вакцинд зөвшөөрөл олгох үйл явцыг ДЭМБ түр зогсоожээ

[caption id="attachment_48998" align="aligncenter" width="2560"] ST PETERSBURG, RUSSIA - OCTOBER 7,

2021-09-17

Германыг 16 жил удирдсан “Төмөр хатагтай”-н асар том орон зай

ХБНГУ-ын төрийг бүтэн 16 жил жолоодсоны эцэст канцлер Ангела Меркел энэ сард болох сонгуульд нэр

2021-09-15

Украинчууд крилл үсгийг латинаар солих уу?

Украины үндэсний аюулгүй байдал, батлан хамгаалахын консулын нарийн бичгийн дарга Алексей Данилов ол

2021-09-14

Санал асуулга

Та вакцины гуравдугаар тун хийлгэх үү?

Үр дүн

Loading ... Loading ...