ОХУ-ын Засгийн газрын орлогч дарга А.Л.Оверчук Монгол Улсын Ерөнхий сайд Л.Оюун-Эрдэнэд бараалхав

2021-10-22 Улс төр 0
ОХУ-ын Засгийн газрын орлогч дарга А.Л.Оверчук манай улсад хийж буй ажлын айлчлалынхаа хүрээнд Монгол Улсын Ерөнхий сайд Л.Оюун-Эрдэнэд өнөөдөр бараалхав.
Ерөнхий сайд Л.Оюун-Эрдэнэ Монгол, Оросын хооронд дипломат харилцаа тогтоосны түүхэн 100 жилийн ойн босгон дээр манай улсад айлчлал хийж буй ОХУ-ын Засгийн газрын орлогч даргад талархал илэрхийлэв.
ОХУ-ын Засгийн газрын орлогч дарга А.Л.Оверчук хоёр орны ард түмэн өнгөрсөн хугацаанд ямагт ойр байж, түүхэн сорилт бэрхшээлүүдийг хамтдаа даван туулж ирснийг тэмдэглээд дэлхийн II дайны хүнд жилүүдэд Монгол Улс хамгийн идэвхтэй дэмжлэг үзүүлж ирснийг Оросын ард түмэн хэзээ ч мартахгүй гэлээ.
Талууд 100 жилийн ой тохиож буй 11 дүгээр сарын 5-ны өдрийг угтан шийдлээ хүлээж буй өр зээл, үл хөдлөх хөрөнгийн асуудлыг шийдвэрлэж, эдийн засгийн хамтын ажиллагааны шинэ зууныг эхлүүлэх нь зүйтэй гэдэгт санал нэгдэв. Мөн дээд, өндөр түвшний харилцан айлчлал, цахим уулзалт хэрэгжүүлэх талаар санал солилцож, эдгээр арга хэмжээний үеэр хэрэгжүүлж болох зарим томоохон төсөл, хөтөлбөрийн талаар ярилцах боломжтойг онцлов.
Монгол Улсын Ерөнхий сайд Л.Оюун-Эрдэнэ, ОХУ-ын Засгийн газрын орлогч дарга А.Л.Оверчук нар уулзалтын төгсгөлд манай хоёр улс төдийгүй, Монгол-Евразийн эдийн засгийн холбоо хооронд бодит хамтын ажиллагааг хөгжүүлэх ихээхэн нөөц бололцоо байгааг тэмдэглэж, цахим засаглал, хилийн боомтуудын дэд бүтцийг сайжруулах, эдийн засгийн чөлөөт бүсийг хөгжүүлэх, хил, гаалийн хяналтыг хөнгөвчлөх, стандартыг уялдуулах чиглэлд хамтын ажиллагааг чиглүүлэх нь зүйтэй гэж үзэв.
Монгол Улс, Евразийн эдийн засгийн холбоо хооронд чөлөөт худалдаааны хэлэлцээр байгуулах боломжийг судлах хамтарсан судалгааны ажил амжилттай үргэлжилж буйг сайшааж, судалгааны дүнг ойрын хугацаанд гаргана гэдэгт итгэлтэй байгааг илэрхийлэв.

Холбоотой мэдээ

М.Батбаяр: “Богд зонхова” төслийн тендер зарлагдаагүй

Соёлын дэд сайд М.Батбаяр "Богд Зонхова" төслийн талаар мэдээлэл хийлээ. Тэрээр "Гандангийн дэнж орч

2021-11-24

Г.Занданшатар: Манай улсын хүн амын 15 хувь гуравдугаар тунд хамрагдсанаар халдварын эрсдэл 60 хувь буурлаа

Өнөөдрийн УИХ-ын чуулганы нэгдсэн хуралдааны үеэр УИХ-ын дарга Г.Занданшатар ард иргэдээ Ковид-19 ко

2021-11-19

Г.Занданшатар: Койн гаргахыг хязгаарламаар байна

УИХ-ын чуулганы өнгөрөгч Пүрэв гарагийн хуралдаанаар Төрөөс мөнгөний бодлогын талаар 2022 онд баримт

2021-11-08

Санал асуулга

Та вакцины гуравдугаар тунг хийлгэх үү?

Үр дүн

Loading ... Loading ...