Хятадын төрийн тэргүүн ядуурлыг бүрэн устгаснаа зарлалаа

2021-02-26 Дэлхийд 1

Хятадын төрийн тэргүүн Ши Жиньпин өчигдөр Бээжин хотод болсон ёслолын арга хэмжээний үеэр иргэдээ хэт ядуурлаас бүрэн гаргаж дууссанаа зарлажээ.

Түүний төрийн эрх барьсан найман жилийн хугацаанд бараг 100 сая хүнийг хэт ядуурлаас гаргасан гэнэ.

Ши Жиньпин энэ амжилтаа “түүхэнд бичигдэх том ялалт” гэж тодорхойлжээ. Хятадын хэмжүүрээр жилд $620 хүрэхгүй орлоготой хүнийг хэт ядууд тооцдог.

“Одоо мөрдөгдөж байгаа шалгуураар хөдөө орон нутгийн 98.99 сая иргэнийг ядуурлаас гаргаж, 832 засаг захиргааны нэгж, 128,000 тосгоныг ядуу ангиллаас гаргалаа” гэж Ши Жинъпин мэдэгджээ.

Өчигдрийн арга хэмжээний үеэр Хятадын төрийн тэргүүн ядууралтай тэмцэх үйлсэд амжилт гаргасан хүмүүст одон медаль гардуулсан байна.

Гэхдээ гадаадын экспертүүд ядуурлыг хэмжих Хятадын засгийн газрын стандарт нь дэлхийн стандартаас бага байгааг шүүмжилдэг.

Тухайлбал Дэлхийн Банкны хэмжүүрээр өдөрт $1.9-ын орлоготой хүнийг хэт ядуу ангилалд оруулдаг бол Хятадын хувьд энэ хэмжүүр $1.69 орчим байгаа юм.

Үүнээс гадна орлогын тэгш бус байдал Хятадын нийгэмд гүнзгийрснийг мэргэжилтнүүд онцолж байна.

  • Энэ бол яах аргагүй амжилт, манай улс төрчид энэ хугацаанд юу хийж гийгүүлэв бодох л ёстой харин өөрсдийгөө дүнгэхийн орон Дэлхийн банкны хэмжүүр гэх мэт төнөр юм ярихаа больж ажлаа үнэнч хийх л үлдлээ

Холбоотой мэдээ

Ялагчийн титмийг булаасан Шри Ланкын гоо бүсгүйг баривчилжээ

Шри Ланкын гоо бүсгүй шалгаруулах үндэсний хэмжээний уралдааны үеэр ялагчийг нөхрөөсөө салсан ша

2021-04-10

Их Британийн хатан хааны нөхөр, хунтайж Филип 99 насандаа таалал төгслөө

Их Британийн хатан хааны нөхөр, Эдинбургийн гүн, хунтайж Филип 99 насандаа таалал төгссөнийг дөнгөж

2021-04-09

Мьянмарын хамгийн алдартай модель, жүжигчин залууг цэргийнхэн баривчилжээ

Өчигдөр Мьянмарын хамгийн алдартай хүмүүсийн нэгийг цэргийн дэглэмийнхэн баривчилсан байна. Б

2021-04-09

Санал асуулга

Хатуу хөл хорио тогтоох хэрэгтэй юу?

Үр дүн

Loading ... Loading ...