“Бэлэг эрхтэн”-тэй суудал цахим ертөнцийг шуугиулж байна

2017-09-19 Нийгэм 0

Мексикийн нийслэл Мехико хотын метронд нэгэн шинэ суудал бий болжээ. Энэ бол эрэгтэй бэлэг эрхтний хэлбэр дүрс бүхий суудал юм. Ёс зүйгүй, доромжлон гутаасан, ичгэвтэр зүйл гэж шинэ санаачилгыг иргэд шүүмжилж байна. Тус сандалны ар талыг эрэгтэй хүний цээж адил товойлгож, харин суудал дээр эр бэлэг эрхтнийг дүрсэлсэн байна. Эмэгтэйчүүд олон нийтийн тээврийн хэрэгслээр зорчиж байхдаа эсрэг хүйстнийхээ зүгээс бэлгийн дарамтад өртөх тохиолдол ихээр гардаг. Энэ асуудалд нийгмийн анхаарлыг хандуулахаар “НҮБ-Эмэгтэйчүүд” байгууллага Мехико хотын удирдлагатай хамтран ийм санаачилга гаргаж, хэрэгжүүлсэн нь энэ юм.

Эдгээр суудлын дээр “Зөвхөн эрчүүдэд” гэсэн бичиг байрлуулжээ. Зарим дээр нь “Суухад эвгүй байна уу? Тэгвэл охид бүсгүйчүүдийн өдөр тутамдаа нийтийн тээврийн хэрэгсэлд тэвчдэг доромжлолын хажууд энэ юу ч биш” гэх үг ч бичээстэй байгаа юм. Кампанит ажлын тухай видео бичлэгийг цахим ертөнцөд 10 хоногт 700,000 гаруй удаа үзэж сонирхжээ. Энэ санаачилгыг эсэргүүцэх хүн байхад, дэмжих хүмүүс ч байгаа юм. Мехико хотын метро охид бүсгүйчүүд зорчиход хамгийн аюултай нийтийн тээврийн хэрэгслийн нэг гэж судалгаагаар тогтоогджээ. Ингэснээр хотын удирдлагууд зөвхөн охид бүсгүйчүүдэд зориулсан вагон зэргийг гаргасан ч, хийж хэрэгжүүлж буй ажлууд үр дүн тааруу байна.

Холбоотой мэдээ

Эрээний боомт хаагдаж, эдийн засаг элгээрээ хэвтлээ

Улсын хэмжээнд байнгын ажиллагаатай нийт 24 боомт байдгаас өнөөдрийн байдлаар 15 нь л ажиллаж байгаа

2021-10-19

Авто замын түгжрэлийг бууруулах Ажлын хэсэг хуралдлаа

Нийслэлийн хэмжээнд өдөр тутам 400 мянга гаруй тээврийн хэрэгсэл замын хөдөлгөөнд оролцдог бөгөөд за

2021-10-19

Mining: “Оюутолгой”-н гүний уурхайг эртдээ 2025 онд нээх боломжтой

Канадын “Turquoise Hill Resources” компани энэ сарын 14-нд Оюутолгойн зэсийн уурхайн өргөтгөлд т

2021-10-19

Санал асуулга

Та вакцины гуравдугаар тунг хийлгэх үү?

Үр дүн

Loading ... Loading ...