Ялагчийн титмийг булаасан Шри Ланкын гоо бүсгүйг баривчилжээ

2021-04-10 Дэлхийд 0

Шри Ланкын гоо бүсгүй шалгаруулах үндэсний хэмжээний уралдааны үеэр ялагчийг нөхрөөсөө салсан шалтгаанаар тайзан дээр титмийг нь булааж авсан хэрэг өнгөрсөн долоо хоногт болсон юм.

Тэгвэл ялагчийн титмийг булааж, толгойноос нь тайлж авсан Шри Ланка улсын 2019 оны гоо бүсгүй Кэролин Жюрийг баривчлан саатуулсан байна. Жюригээс гадна тайзан дээр титмийг нь тайлахад тусалсан өөр нэг гоо бүсгүйг хэрэгт холбогдуулан баривчилж байцаалт авчээ. Гэхдээ одоогоор тэднийг батлан даалтаар сулласан байгаа ба шүүх хурал энэ сарын 19-нд болох аж.

Ялагч болсон Пушпика де Силва хэмээх бүсгүй нь “Miss World” тэмцээнд улсаа төлөөлөхөөр болж, титмээ зүүж байхад нь нөхрөөсөө салсан тул ялагч байх эрхгүй хэмээгээд титмийг нь булаан авч, дэд байранд орсон гоо бүсгүйд зүүлгэжээ.

Ингэхдээ Кэролин Жюри Пушпикагийн толгойг гэмтээгээд зогсохгүй, тайзны арын өрөөний толиудыг хагалсан байна.

Харин Пушпикагийн хувьд нөхрөөсөө албан ёсоор салаагүй, одоогоор тусдаа амьдарч байгаа тул зохион байгуулагчид шагналыг буцааж гардуулах шийдвэр гаргажээ. Тэрбээр хүүхдээ өсгөж буй ганц бие ээжүүдийг төлөөлөн ялагч болсондоо хэзээ ч харамсахгүй хэмээгээд, олон нийтийн өмнө гутаан доромжлогдсондоо гомдолтой байгаагаа тэмцээний дараа цахим хуудсаараа дамжуулан илэрхийлсэн юм.

https://youtu.be/TDtpVFroFJY

Холбоотой мэдээ

Худал мэдээлэл тараасан Өмнөд Солонгосын сүүн бүтээгдэхүүний компанийн ерөнхийлөгч огцорлоо

Өмнөд Солонгосын зах зээлд орлогоороо гуравт жагсдаг сүүн бүтээгдэхүүн үйлдвэрлэгч Namyang Dairy

2021-05-04

Дэлхийн цуутай баян хосууд 27 жилийн дараа салах болсноо мэдэгдэв

Дэлхийн хамгийн баян хосуудын нэг Билл болон Мелинда Гэйтс нар 27 жил хамт амьдарсны эцэст салах

2021-05-04

ОХУ-ын тал Спутник V вакцинаа үйлдвэрлүүлэхээр Хятад улсаас тусламж хүсжээ

Спутник V вакцины эрэлтийг хангаж дийлэхгүй байгаа ОХУ-ын тал Хятадын үйлдвэрлэгч компаниудад ха

2021-05-03

Санал асуулга

Хатуу хөл хорио тогтоох хэрэгтэй юу?

Үр дүн

Loading ... Loading ...
Одоо суръя - Онлайн сургалт