“Коронавирус тараасан болохоор Хятад улс $10 их наяд төлөх ёстой”

2021-06-07 Дэлхийд 0

Коронавирусний цар тахлын улмаас хүмүүс амиа алдаж, их хэмжээний хор хохирол учирсан учраас Хятад улс АНУ болон дэлхийн бусад орнуудад 10 их наяд доллар төлөх ёстой гэж АНУ-ын Ерөнхийлөгч асан Дональд Трамп хэлжээ.

“Хятад төлөх ёстой гэж бид хамтдаа хэлэх хэрэгтэй. Дээр нь, бүх улс орон нэгдээд Хятадаас 10 их наяд долларын нөхөн төлбөр нэхэмжлэх хэрэгтэй. Мэдээж энэ бол хамгийн доод хэмжээ” хэмээн Трамп Умард Каролинад болсон Бүгд найрамдахчуудын чуулганы үеэр хэлсэн байна.

Тэрбээр Ерөнхийлөгч байхдаа нэг бус удаа Хятадын эрх баригчдыг Ковид-19-ийн халдвар тараасан хэмээн буруутгаж, “хятад вирус” хэмээн нэрлэж байв.

Тавдугаар сарын сүүлээр шинэ Ерөнхийлөгч Жо Байден тагнуулын албанд Ковид-19-ийн гарал үүслийг тогтоох үүрэг өгчээ. Тэрбээр вирус Хятадын лабораториос гарсан байх магадлалтай гэсэн таамаглал дэвшүүлээд байсан юм.

“Одоо бүгд, бүр дайснууд гэж нэрлэгдэх хүмүүс ч, коронавирус Уханийн лабораториос гаралтай гэж ярьж байсан Ерөнхийлөгч Трампын зөв байсан гэдгийг хүлээн зөвшөөрч байна” гэж Трамп хэлсэн байна.

Ерөнхийлөгч Байдены эрүүл мэндийн салбарын гол зөвлөх Энтони Фаучи өмнө нь уг вирус амьтнаас хүнд халдсан байх магадлалтай гэж хэлж байсан бол сүүлийн үед Ковид-19-ийн гарал үүсэл байгалийнх гэдэгт итгэлгүй байгаагаа илэрхийлэх болжээ.

Эх сурвалж: ВВС

Холбоотой мэдээ

Синофарм вакцины хос тунг тариулсан Монгол Улсын иргэдийг Өмнөд Солонгост ирэхэд нь тусгаарлахгүй

Өмнөд Солонгосын засгийн газар вакцинжуулалтад бүрэн хамрагдсан гадаадын иргэдийг долдугаар сары

2021-06-15

Халимны аманд ороод гарсан загасчны түүх

АНУ-ын иргэн, хавчны анчин 56 настай Майкл Пакард өнгөрсөн Баасан гарагийн өглөө Кэйп Кодын эргийн о

2021-06-14

Умард Солонгосын удирдагч Ким Жон Ун жин хасжээ

Умард Солонгосын сэдэвтэй мэдээг англи хэлээр нийтэлдэг NK News сайтад саяхан тус улсын удирдагч

2021-06-11

Санал асуулга

Та вакцин хийлгэсэн үү? Үгүй бол яагаад?

Үр дүн

Loading ... Loading ...
Одоо суръя - Онлайн сургалт Цонжин Кибер Боардинг Сургууль