Д.Оюунхорол: БОАЖЯ-ныхан ахмадуудтайгаа хамтран ажиллах, дэмжлэг үзүүлэх гэрээ байгуулан ажиллаж байна

2017-10-02 Нийгэм 0

БОАЖ-ын сайдын үүрэг гүйцэтгэгч Д.Оюунхорол, Дэд сайд Ц.Батбаяр, Төрийн нарийн бичгийн дарга Ц.Цэнгэл болон газар, хэлтсийн дарга нар БОАЖЯ-нд ажиллаж байгаад өндөр ахмад насны тэтгэвэртээ гарсан ахмадуудаа хүлээн авч, хүндэтгэл үзүүллээ.

Ахмадуудыг төлөөлж Ерөнхий сайд асан Ш.Гунгаадорж “Юуны түрүүнд жил бүр ахмадуудаа хүлээн авч, хүндэтгэл үзүүлдэг уламжлалыг тогтоогоод байгаа Д.Оюунхоролдоо нийт ахмадуулынхаа өмнөөс баярласнаа илэрхийлье. Засгийн газрыг огцруулж, шинэ Ерөнхий сайдыг томилох гэж байна. Гэсэн ч таныг сайн ажиллана гэдэгт итгэлтэй байгаа. Таны цаашдын ажилд амжилт хүсье. Бидэнтэй байнга эргэх холбоотой байдаг яамныхандаа баярлалаа” хэмээсэн юм.

БОАЖ-ын сайдын үүрэг гүйцэтгэгч Д.Оюунхорол ахмадууддаа хандан хэлсэн үгэндээ “Ахмадуудынхаа үгийн сонсно гэдэг ямарваа нэгэн алдаа гаргахаас урьдчилан сэргийлнэ гэсэн үг. Энэ ч утгаараа манай яамныхан ахмадуудтайгаа байнга холбоотой байж, хамтарч ажилласаар ирсэн. Энэ хүрээнд яамны хөдөлмөрийн дотоод журамд заасны дагуу нас барсан 3 ахмадын ар гэрт тус бүр таван зуун мянган төгрөгийн буцалтгүй тусламжийг олголоо. Монгол Улсын Засгийн газрын 2016-2020 оны үйл ажиллагааны хөтөлбөрт тусгагдсан “ахмадын зөвлөх үйлчилгээ”-г бий болгох ажлын хүрээнд “Байгаль орчин, аялал жуулчлалын яамны ахмадуудтай хамтран ажиллах, тэдэнд дэмжлэг үзүүлэх тухай” 6 бүлэг 19 заалттай гэрээ байгуулан ажиллаж байна. Энэхүү гэрээний дагуу тус яамны зарим ахмад ажилтанаар зөвлөх үйлчилгээний ажил хийлгэж байна. Тухайлбал, Загийг түлшинд хэрэглэхээс хамгаалж, түлшийг орлуулах, цөлжилтөөс сэргийлэх зорилгоор Баянхонгор аймгийн Богд суманд 1 га газарт түргэн ургадаг мод тарих туршилтын ажил, Монгол улсын хил дамнасан ТХГН-ийн талаар судалгаа, Зарим газар нутгийг Улсын тусгай хамгаалалтанд авах үндэслэл боловсруулах ажил, Дүйцүүлэн хамгаалалын хууль эрх зүйн орчинг боловсронгуй болгох асуудал, “Монгол орны ойн нэвтэрхий толь” бүтээх ажил, “UNREDD төслийн оролцогч талууд” төслийн гүйцэтгэгч, Ногоон хэрэм төслөөр хийсэн ойжуулалтын ажлыг хүлээн авах ажил оролцуулсан зэрэг ажлуудыг НҮБ-ын Байгаль орчны хөтөлбөрийн төслийн санхүүжилтээр хийж гүйцэтгүүлж байна. Мөн Азийн хөгжлийн банк, японы ядуурлыг бууруулах сан, олон улсын намгийн байгууллагаас хэрэгжүүлсэн “Монгол орны хүлэр намгийн стратегийн төлөвлөгөө” сэдэвт төслийн зөвлөх болон яамны 30 жилийн номыг эмхэтгэн бичих ажлуудыг яамны ахмад 10 гаруй ажилтнуудыг хамруулан зөвлөх үйлчилгээгээр хийлгэж байна. Цаашид ч ахмад ажилтны арвин туршлага, дадал, ур чадварыг ашиглан байгаль орчныг хамгаалах, нөхөн сэргээх чиглэлээр олон ажлуудыг гэрээний үндсэн дээр хийлгэх зорилт тавьж ажиллана. Та бүхэндээ эрүүл энх, сайн сайхан бүхнийг хүсэн ерөөе” хэмээсэн юм.

Холбоотой мэдээ

ОХУ-д бүтээсэн Спутник-V вакциныг авчрах хугацаа маргааш болжээ

ОХУ-ын Спутник-V вакцин маргааш ирэхээр болсон байна. Учир нь цаг агаарын байдлаас шалтгаалан нислэг

2021-02-26

“Цаашид харилцах данс болон хугацаагүй хадгаламжид хүү төлөхгүй байх зохицуулалт үргэлжилнэ”

Монголбанкнаас сар тутмын ээлжит мэдээллээ танилцуулсны дараа Монголбанкны удирдлагууд сэтгүүлчдийн

2021-02-26

Өнгөрсөн нэг хоногийн хугацаанд коронавирусын 30 шинэ тохиолдол гарч, хавьтлын хүрээ тэлж байна

Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг ХӨСҮТ-өө

2021-02-26

Санал асуулга

Та коронавирусын вакцин хийлгэх үү?

Үр дүн

Loading ... Loading ...