Нийслэлийн орон сууцны мэдээллийн санг танилцууллаа

2017-10-06 Нийгэм 0

Өнөөдөр болсон Нийслэлийн удирдах ажилтаны шуурхай хуралдаанд “Нийслэлийн орон сууцны корпораци” ОНӨААТҮГ-ын дэд захирал А.Энхманлай “Нийслэлийн орон сууцны мэдээллийн сан”-г танилцууллаа.

Нийслэл хотын хэмжээнд орон сууцны асуудлыг төвлөрүүлэн нэгдсэн мэдээллийн санг байгуулж иргэд, хувийн хэвшил болон төрийн байгууллагууд зэрэг орон сууцны салбарт оролцогч бүх талууд нэгдсэн мэдээлэл авах боломж, нөхцлийг бүрдүүлснээр нийслэлийн хэмжээнд орон сууцны бодлого, төлөвлөлтийг цогцоор хийж гүйцэтгэх, орон сууцны эрэлт, нийлүүлэлтийн тэнцвэрийг бий болгох, нийлүүлэлтийн илүүдлийг багасгах, түрээсийн орон сууцны санг нэмэгдүүлэх, улмаар зах зээлд борлуулагдаагүй байгаа ашиглалтад бэлэн болсон орон сууцнуудыг орон сууцгүй иргэдтэй холбох, орон сууцны үнэ болон орон сууцны түрээсийн үнийг тогтвортой байлгах зэрэг ач холбогдолтой юм.

Төсөл хэрэгжүүлэгч барилгын компаниуд орон сууцны мэдээллийн санд хандсанаар судалгаанд хамрагдсан иргэдийн мэдээлэл болон орон сууцны эрэлт, нийлүүлэлт, санхүүжилтийн талаарх мэдээллийг дүүрэг, хороо зэргээр бүсчлэн статистик тоон үзүүлэлтээр харах, мөн газар, дэд бүтцийн талаарх мэдээллийг газарзүйн мэдээллийн систем дээр харах боломжтой. Ингэснээр Барилгын бизнес эрхлэгчид төсөл хөтөлбөрөө хаана хэрэгжүүлж, хэрхэн борлуулах, орон сууц худалдан авах, түрээслэх хүсэлтэй иргэдийн мэдээлэл, бодит эрэлтэд тулгуурлан, газар, дэд бүтэцтэй уялдуулан төсөл хөтөлбөр хэрэгжүүлэх боломжтой болж байгаа юм.

Харин иргэд нийслэлийн орон сууцны мэдээллийн сангийн www.nosk.ub.gov.mn хаягаар хандан орон сууцанд хамрагдах хүсэлтэй иргэдийн цахим бүртгэлд бүртгүүлснээр “Нийслэлийн Орон сууцны корпораци” ОНӨААТҮГ-аас хэрэгжүүлж буй төсөл хөтөлбөрүүд болон орлогод нийцсэн орон сууц, түрээсийн орон сууцанд хамрагдах боломжтой юм.

Мөн та тусгай хэрэглэгч болсноор хаана ямар төсөл хөтөлбөр хэрэгжиж байгаа талаар болон орон сууцны нийлүүлэлтийн мэдээллийг авах дүүрэг хороо зэргээр бүсчлэн харж болно.

Холбоотой мэдээ

О.Дашпагма: Спутник V вакцины II дахь тунг энэ сард багтан нийлүүлэх урьдчилсан мэдээ авсан

"АСА Станц" нэвтрүүлгийн энэ удаагийн дугаарт ХӨСҮТ-ийн Дархлаажуулалтын албаны дарга О.Дашпагма оро

2021-06-22

Т.Бэгзсүрэн: Эрдэмтдийн зөвлөлөөс долдугаар сарын 1-нээс хөл хорио тогтоох саналаа хүргүүлсэн

УОК-ын Эрдэмтдийн зөвлөлийн гишүүн, доктор Т.Бэгзсүрэн "АСА станц" шууд нэвтрүүлэгт оролцож, Эрдэмтд

2021-06-22

Өнөөдөр дархлаажуулалтын суурин 20, явуулын найман цэг ажиллана

Улаанбаатар хотод өнөөдөр буюу зургаадугаар сарын 22-нд явуулын найм, суурин 20 цэгт иргэдийг ко

2021-06-22

Санал асуулга

Та вакцин хийлгэсэн үү? Үгүй бол яагаад?

Үр дүн

Loading ... Loading ...
Одоо суръя - Онлайн сургалт Цонжин Кибер Боардинг Сургууль