Амиа алдсан Монгол иргэн 12 жилийн өмнө АНУ-д очжээ

2017-10-20 Нийтлэл 0

 

АНУ-ын Мэрилэнд мужид ажлын байрандаа буудуулж амиа алдсан гурван хүний нэг нь Монгол Улсын иргэн байсан юм. Энэ харамсалтай хэрэг лхагва гарагт /2017.10.18/ гарсан.

Гэмт халдлагын золиос болсон хүнийг Түдэвийн Баярсайхан /53 настай/ гэдэг байжээ. Тэрээр шаргуу хөдөлмөрч, сайн эцэг байсан бөгөөд гэмт этгээдийн төлөө санаа зовниж явдгаа гэр бүлийнхэндээ ярьж байсан гэнэ. Энэ талаар NBC телевиз мэдээлсэн байна.

Түдэвийн Баярсайхан гэр бүлийн хамт Виржиния мужийн Арлингтон хотод амьдардаг байжээ. Тэрээр гэр бүлийн хамт 2005 онд АНУ-д очиж, суурьшсан байна. Гурван хүүхэдтэй. Охин нь АНУ-д хамт амьдардаг бол хоёр хүү нь эх орондоо аж төрдөг тухай NBC мэдээлжээ.

Түүний эхнэр Д.Гэрэлмаа “Нөхөр маань гэмт этгээдийн тухай өмнө нь ярьж байсан. Тэр үргэлж ууртай байдаг гэж хэлж байсан” хэмээснийг AP агентлаг дамжуулжээ. Сүмд залбирал үйлдэхдээ ч гэмт этгээдийн талаар залбиралдаа дурдаж, бурхан түүнийг ивээлдээ аваасай гэж хүсдэг байсан гэнэ.

Д.Гэрэлмаа нөхөртэйгөө хамт наран цэцэгсийн дунд авхуулсан зургаа үзүүлээд, нас барахаас гурав хоногийн өмнө авхуулсан зураг болохыг хэлжээ. Тэд хамтдаа 32 жил амьдарсан гэнэ.

Т.Баярсайхан эхнэр Д.Гэрэлмаагийн хамтТ.Баярсайхан эхнэр Д.Гэрэлмаагийн хамт

Т.Баярсайхан христийн шашин шүтдэг, гэртээ Библийн сургалт явуулдаг, сүмийнхээ номлогч байсан аж. Ажилдаа дуртай, гэр бүлдээ хайртай нэгэн байсан тухай түүний охин Б.Сувд ярьжээ.

“Тэр хамгийн сайн аав, хамгийн сайн нөхөр байсан. Миний мэдэх хамгийн даруу төлөв хүн. Маш нөхөрсөг, зөөлөн сэтгэлтэй, бусадтай амархан ойлголцдог. Хүн бүхэн түүнийг хайрлан хүндэлдэг байсан гэдэгт итгэлтэй байна” гэж тэр ярьсан байна.

Т.Баярсайхан жинхэнэ америк мөрөөдлийн эзэн байсан гэж охин нь ярьжээ.

Т.Баярсайхан охин Б.Сувдын хамтТ.Баярсайхан охин Б.Сувдын хамт

Хэдийгээр аавыг нь буудаж хөнөөсөн ч гэмт этгээдийг өршөөн уучилж байна гэж Б.Сувд хэлсэн байна. “Тэр хүн аавыг минь хороосон. Гэхдээ би, манай гэр бүлийнхэн түүнийг уучлан өршөөж байна. Зөвхөн Есүс Христийн нэрийн өмнөөс…” гэжээ.

 

Эх сурвалж: News.mn

Холбоотой мэдээ

ЮНЕСКО: Танхимын хичээл хориглосноор бага ангийн 100 сая хүүхэд уншиж чадахгүй байна

-Хичээл эхлээд 10 хоноход 43.3 мянган хүүхэд халдварын улмаас цахим сургалтад шилжжээ- Манай улсын

2021-09-28

NEW BOOK | 20 хүүхэдтэй ангиас гарч 200 ажилтантай компани босгосон түүх

Ном гэж сонин эд шүү. Цагаан цаас, хар бэхээр л ертөнцийг багтааж, дурдатгалыг шингээж чаддаг. Стрес

2021-09-13

Иргэн Ж.Энхбат “Баянзам” ТББ-тай “буруу гараар” нийлсэн Л.Халтар сайдыг АТГ-т шалгуулахаар өглөө

Иргэн Ж.Энхбат Зам тээврийн хөгжлийн сайд Л.Халтар нь өөрийн эрх мэдлийг урвуулан ашиглаж хуулиар ол

2021-09-03

Санал асуулга

Та вакцины гуравдугаар тунг хийлгэх үү?

Үр дүн

Loading ... Loading ...